AZERAOSE AAD PRINSE

 

Gebaorte Aad Prins Luc I


Door de coronapandemie höbbe veur in 2021 en 2022 geine prins mèt oet mooge roope.
Dus woor d’r auch gein sjpek mèt eier en zelfs geine prinsebal en kóste veur auch neet mèt de huifker nao Vlorop. Waat ein gemis.
Ein aangepas programma goof oetkoms. Zoas gebroekelik biejeinkómme veur De Duup. Helaas gein huifker, mer ein “wanjeltoch” toet achter De Duup.
Pieter I Classen woor helaas verhinjert en kós dus neet mèt zien gitaar d’r biej zin. As alternatief haaj John ein gitaar vèrboewt en zo kós ’t AAPe-leed óngerwaeg toch nog gezónge waere.
Achter De Duup aangekómme zote 2 ape op de kontainer en mós Luc raoje waem die ape wore.
Nao get tips wis Luc de gooj vraoge te sjtèlle en kóste die twee “ape” zich kènbaar make.
Daonao kóste veur in ’t kleine zaelke van De Duup aansjloete veur eine gooje tejjer sjpek mèt ei dae Bas Clercx veur ós verzorg haaj.
Andre I waerde tössedoor nog aeve vèreert mèt ein ziekebezeukske ómdet d’r door corona geveld woor en kreeg ein drenkske (sjroebeleer) aangebaoje óm sjnel baeter te waere.
Ómdet Pieter I verhinjert woor, kós d’r de adjudante auch neet begleije tiedes häör veurdrach veur de aaftraejende Prins Luc I.
Pieter haaj waal ein leuk sjtök gesjreve waat de adjes kóste veurdrage. Dit zorgde veur eine gooje work-out van de lachsjpiere.
Toen woor ’t tied óm Luc te begeleije biej zien aaftraeje as Prins Luc I en op te numme biej de AAP.
Naodet Luc zien versiersele van de Nachtegale haaj aafgegaeve kreeg hae de AAPe-jas mèt sjtert aangedaon. Nao dees “gebaorte” kós ederein nog genete van ein lekker besjuut mèt blauw moezekeutelkes.
Daonao ging ’t gezelsjap nao de aapeheul wo de verdere middig/aovend waerde doorgebrach.

Open image link in a new tab: