Gebaorte Aad Prins Brian I
Op 5 janewarie 2020 móste de AAPe die sjpek mèt ei woole aete al oppe tied opsjtaon.
Óm neege oer sjting Ger al klaor mèt de huifker óm ós nao Vlorop te bringe. Veur det veur vèrtrókke sjpeelde Pieter nog ’t Aapeleed op zien gitaar,
en kóste veur nog biej ooze sentefoekser Jan terech veur get sentjes in te levere.
Eric Heber noom ’t raoze kufferke met de neudige teks van Pieter ónger zien hoede en kóste veur nao ’t zinge van oos Aapeleed plaats numme in de huifker en vertrók ’t gezelsjap nao Vlorop.
Biej de bóshut aan Mienwaeg waerde eine tössesjtop gemaak. Dao zoote twee aape klaor en mós Brian raoje waem die aape woore.
Nao väöl vraoge kwoom Brian d’r achter det ’t zien vruiwke Sjana en ziene kolegaprins Roy Hermans van de Kitsuule woore en kóste veur ós op de kees, wórs, Jägermeister en sjroebeleer sjtorte.
Toen weer sjnel de ker op en verder aan ’t beer en de eikes, die aap Eric Suntjes ós weer gesjponzert haaj.
Óngertösse haaj Pieter weer eins joon teks gemaak euver Brian die de lachsjpiere al opwermde.
Biej “Aan de Hoeve” kóste veur aansjuuve veur eine flinke tejer mèt sjpek en ei.
Dit keer neet in de veranda, mer in ’t aad restaurant gedeilte.
Naodet veur de flinke tejjer nao binne haaje gewèrk instaleerde Pieter mèt de adjes van Brian zich en kós Brian en Sjana veuraan plaats numme en häör jaor muzikaal en hilaries nog èns mèt maake.
Naodet veur nog ein paar pilskes genuttig haaje waerde ’t tied óm truuk te gaon nao Azerao.
Nao de middig kwoome veur weer biejein óm de gebaorte van ooze nuuje aap in te leije.
Prins Brian waerde Aad Prins Brian I, kreeg d’r de Aapejas en waerde de Aapesjpeld op ziene jas gesjpeld.
De nuuje aap mèt zien adjudante krege eine halve liter beer en de miense inne zaal kóste van de besjuut mèt blauwe moezekeutelkes geneete.
Naodet de aad prinse de nuuje prins in zien kis nao binne haaje gedraage waerde de verdere middig doorgebrach in de aapeheul.
|