Ich bön d'r nog steeds óntzettend trots op óm veurzitter te mooge zin van AAP, de Azeraose Aad Prinse. De AAP is opgerich op 30 Januari 2001, en is ein óngerdeil van vastelaovesvereniging De Nachtegale oet Azerao, en is neet meer weg te dinke in ‘t sjoone vastelaovessjpel in Azerao . De meiste aad prinse (en aad vorste) van De Nachtegale zin aktief lid van dit sjoone gezelsjap.

AAP haet de volgende vaste aktiviteite:

• 'T viere van de gebaorte van ooze nuuje Aap. Det doon veur oppe daag det de Nachtegale häöre nuuje prins oetrope. Veur sjtarte dan sjmorges mit ein huifkertoch nao de huifkerhoeve in Vlorop, woo veur sjpek mit eier gaon aete. Óngerwaeges is ‘t altied gezellig en waere der liedjes gezónge mit leif meziek, oetgeveurd door Pieter I. Verder gebeurt ter altied waal nog ein of anger biezunjerre aktiviteit óngerweages. Es de aaje Prins aaftreujt waert d'r opgevange door de AAP. Bie dees gebaorte waere besjuute mit muuskes oetgedeilt aan alle bezeukers van 't Prinsebal (altied blauw muuskes, veur höbbe ós nog nooit in 't gesjlag vergis want oos motto is “zonger lid, gein lid”). De res vanne daag bringe veur gezellig door in oos Aapeheul.

• Veur bezeuke de Prinsereceptie van de Nachtegale. Dao felicitere veur De Nachtegale en heure prins, en probere veur de prins alvast werm te make veur 't kommende lidmaadsjap van AAP. Inne Apeheul is 't verder dae daag ein gezellige bende.

• Optraeje oppe bontje dinsdigmiddig. Dao laote auch de AAPE heur kunste zeen. Ein sjtel Aape deej det veur 't eers in 2003. Het jaor daonao kreeg det ein vervolg, en inmiddels zeen optraejens oet geveurd door sommige leeje van AAP neet meer weg te dinke.

• En, wie ut zich heurt, haaje veur inne Aapeheul auch oos jaorlikse lejevergadering.

Anger aktiviteite haet de AAP es zich biezonjer gelegenhede veur doon. Beveurbeeld ein jubileum van De Nachtegale.

Mit eine vrundjelike apegroet,
John Rademakers